難得可以出國放鬆下，但係而家四圍都爆發傳染病，除咗猴痘、流感、新冠變異株之外，仲有傳染力極強嘅諾如病毒(norovirus)同暫時未有疫苗及治療藥物嘅人類質間肺炎病毒(hMPV)，真係稍一不慎就惹「毒」上身。
截至2024年12月29，日本流感確診人數創下一週超過30萬嘅歷史新高，全國因流感就診人數更達驚人嘅849萬，而且有持續上升趨勢。有見及此，ERGO整合左一個清單比計劃緊或者即將出外旅行嘅你，等你可以望住黎執之餘，順便睇吓自己有無忽略到當中某啲重點。
我地將清單分成三部分，出發前、上機後、到達後一共10個要注意嘅地方，如果做到7個或以上既話恭喜你，你嘅防疫意識非常好，已經比一般人安全好多。如果不足5個的話就要注意喇，趁仲未出發盡快做準備，做足功課就可以玩得開心又放心！
🔍 了解當地最新情況及醫療設施
出發前，記得查清楚當地有無流感或其他疫症爆發，如非必要盡量避免接近高危地區，點都要去嘅話就要做足防護措拖。另外，睇睇酒店附近最近嘅醫院或診所喺邊同埋佢地嘅營業時間，萬一有緊急情況或者病左都唔駛再浪費時間搵。
😷 準備高防護規格口罩
事先準備合乎標準規格嘅口罩，例如歐制FFP2-3/美制n95-99/韓制KF94-99等等，建議帶夠x旅行日數既口罩，即五日旅行就帶五個，最少最少都起碼帶兩個上落機嘅時候戴。合規格嘅口罩可以有效防止空氣中嘅病毒，特別係人多嘅地方一定要戴上。
🫧 準備一部X ONE/消毒日用品
當然唔少得既就係X ONE，呢款便攜式消毒器用咗先進嘅222nm遠紫外光技術(Far-UVC)，可以喺啟動範圍內持續消滅15種以上既常見病菌，當中包括各種冠狀病毒、流感、大腸桿菌、甚至抗藥性金黃葡萄球菌！
而且呢種UV唔會穿透我地既皮膚同眼睛表層，所以使用上比傳統消毒UV更安全同高效，以後想用UV消毒就唔洗擔心燒傷啦。X ONE淨重只有約150g，輕巧易攜之餘配備高品質3350mAh鋰電，提供4小時隨行電源，真係旅行必備！
如果唔係X ONE用家都唔緊要，你可以帶夠酒精濕紙巾同搓手液/消毒噴霧，但要注意用呢啲化學成份消毒一般需要至少30秒接觸時間，同埋記得唔好帶超過100ml嘅容器上飛機，否則工作人員有權要求你揼左佢！
💺 清潔座位
一上飛機，就用X ONE近距離照射你既座位、摺疊餐枱同扶手，或者用酒精噴一噴同抹一抹都可以達到消毒效果，咁樣就可以大大減少因接觸到上一手留低嘅病菌而受感染嘅機會。
😌 戴好口罩+啟動X ONE
機艙嘅人口密度好高，屬於病菌傳播嘅高危環境，即使係商務或頭等艙都唔等於安全，因此飛行期間建議全程戴好口罩。雖然某啲機種有安裝HEPA空氣過濾系統，但依賴循環系統未能有效降低近距離傳播的風險，要達到全面保護其實好簡單，開着X ONE然後將佢平放喺枱面，佢就會持續消毒你面前嘅空間，形成一個保護層。
🍴 注意飲食空檔
享用飛機餐嘅時候，其實係成程機最易受到感染嘅空檔，因為食野期間我地別無他選只能暫時除低口罩。但並唔代表要完全解除防護，因為除左口罩之外你早有準備，喺呢個時候X ONE就扮演住關鍵角色，令你可以放心慢慢食。記得確保食嘢個陣X ONE係處於啟用狀態，如果唔係呢個就會變左病菌進攻既最好時機！
雖然飛機餐一般都會提供經過消毒嘅獨立包裝餐具，不過擔心的話都可以用X ONE消毒一下。我地建議養成用餐前消毒餐具嘅習慣，特別係衛生程度一般既餐廳。古語有云，病從口入，好多時肉眼望落乾淨，放大1000倍後分分鐘嚇死你！
🤲🏻 保持手部衛生
每次去完廁所/食嘢前都要洗手，呢個係強烈建議大家要養成嘅習慣。如果附近冇洗手間，你都可以用X ONE消毒雙手，佢可以迅速消毒之餘唔會燒傷皮膚，近距離照射幾秒就完成。而非X ONE用家可以用至少60%酒精含量嘅消毒搓手液，70%就更理想。記得搓手過程至少維持30秒，令消毒酒精充分發揮作用。
🏨 清潔酒店房間
到達酒店後，第一時間消毒所有會頻繁接觸到嘅表面，例如門把、燈制開關同遙控器，以防酒店清潔有遺漏。可以用X ONE 近距離咁照5-10秒，或者用消毒噴霧都一樣得。
📱 消毒智能手機
你而家手上拎住嘅智能手機其實比你想像中污糟好多，研究發現平均比廁所板含菌量高10倍，如果你唔係經常洗手嘅人呢個數字甚至更高！所以有時間就消一消毒，畢竟你每日掂佢無一百都有幾十次，保持手機清潔絕對係預防疾病嘅好方法！
👔 衣物上的不速之客
舟車勞頓左成日，你嘅衣物好大機會已經喺你唔為意嘅時候沾上左細菌，應該無人會想同佢地相處多幾日掛？所以一返酒店先將外衣掛好消毒，花多半分鐘隨時為你慳一兩日睇病休息嘅時間，仲未計睇醫生既診金！如果唔係X ONE用家，你當然可以用酒精或者消毒噴霧，不過如果唔想衣物變黄或者發生褪色等化學反應，建議都係用返不含化學成份嘅方式消毒衣物，因為消毒劑入面嘅化學物質有機會會令纖維變色或變質。
Bonus
💆🏻♀️ 享受快樂時光
最後一點，旅行最重要就係享受！珍惜遊玩時每一個moment，盡情探索新地方、新嘅美食，同旅伴創造難忘嘅回憶，嗰啲麻煩嘅病菌就交哂比我地處理，你只需做足準備同養成良好衛生習慣，咁樣就會大大降低外遊受到感染嘅機會！
相關產品：
*即日起憑機票預訂訊息即可獲港幣$400減免